Útlánasalur 3. hæð

Bókmenntir á ensku

Bókasafn Hafnarfjarðar er með fjölbreytta flóru bóka á fjölda tungumála í safnkosti sínum. Bókmenntir á ensku eru þar veigamestar. Sumar ensku bókanna hafa fengið merkimiða á kjölinn sem gefur til kynna um hvers konar bók sé að ræða, til dæmis fantasíur, vísindaskáldsögur, skvísubókmenntir (e. ChickLit) og ástarsögur.

Teiknimyndasögur á ensku og manga-bækur eru í horni inn af ungmennadeildinni.

Bókmenntir á Norðurlandamálum

Bókmenntir á Norðurlandamálunum eru á stigapallinum á 3. hæð bókasafnsins. Hvert mál er merkt með sínum þjóðfána neðst á kjöl.

Bókmenntir á öðrum tungumálum

Bókmenntir á frönsku, ítölsku og spænsku eru á stigapallinum á 3. hæð. Hvert mál er merkt með sínum þjóðfána (fyrir utan ítölsku).

Bókmenntir á þýsku eru í herbergi við hlið lesstofunnar á 3. hæð og fræðibækur á þýsku eru á lesstofunni sjálfri. Bókasafnið er með gott úrval þýskra bóka því árið 2006 tók Bókasafn Hafnarfjarðar við safnkosti Deutsche Zentrum á Íslandi.

Bókmenntir á pólsku er sívaxandi hluti af safnkosti bókasafnsins og starfar pólskumælandi bókavörður á bókasafninu. Fræðibækur og skáldsögur fyrir fullorðna á pólsku eru staðsettar á ganginum á 3. hæðinni. Bækur á pólsku eru allar með pólska fánanum á killinum og einnig merkimiða sem gefur til kynna um hvers konar bók sé að ræða, til dæmis fantasíur, matreiðslubækur, uppeldisbækur, sakamálasögur, ástarsögur o.fl.

Bækur á pólsku fyrir börn og ungmenni eru á barnadeild bókasafnsins.