Rafbókasafnið

Rafbókasafnið byggir á OverDrive rafbókaveitunni. Allir lánþegar Bókasafns Hafnarfjarðar með gilt bókasafnsskírteini hafa aðgang að Rafbókasafninu. Nota þarf númerið á bókasafnsskírteininu til innskráningar (GE-númer) og lykilorð (sama lykilorð og á Leitir.is).

  • Útlánstími er 21 dagur.
  • Hægt er að hafa 10 bækur að láni og setja inn 15 frátektir í einu.
  • Bók skilast sjálfkrafa að lánstíma liðnum og því er engin hætta á dagsektum. Einnig er hægt að skila bókum fyrr, mælt er með því sérstaklega þegar biðlistar eru á bókum.
  • Hægt er að endurnýja útlán á Rafbokasafn.is eða í Libby-appinu 3 dögum fyrir áætluð skil (sé ekki biðlisti eftir eintakinu).

Hægt er að lesa rafbækur eða hlusta á hljóðbækur frá Rafbókasafninu í vafra í tölvum, spjaldtölvum og snjallsímum og því ekki nauðsynlegt að hlaða niður neinum forritum til þess. En þá þarf að vera nettengdur.

Hægt er að lesa eða hlusta án þess að vera nettengdur en þá þarf að ná í Libby-appið eða Adobe Digital Editions forritið og hlaða bókinni niður.

Libby appið

  • Libby-appið er fáanlegt fyrir snjalltæki á Play Store (Android) og App Store (IOS).
  • Lesa má nánar um appið á íslensku hér

Sækja Libby

Lesbretti

  • Hægt er að lesa bækur Rafbókasafnsins á þeim lesbrettum sem notast við ePub-formið.
  • Ekki er hægt að lesa bækur Rafbókasafnsins í Kindle lesbrettum að Kindle Fire spjaldtölvunni undanskilinni.
  • Ef ætlunin er að lesa rafbók á lesbretti þarf að stofna Adobe ID aðgang og hlaða niður Adobe Digital Editions forritinu á tölvu.

Adobe Digital Editions

  • Bókinni er svo hlaðið niður í Adobe Digital Editions og færð þaðan yfir á lesbrettið.

Hafa samband

  • Spurningar og/eða ábendingar varðandi Rafbókasafnið berist í netfangið [email protected]