Aðstaða

Aðgengi

Margar aðkomuleiðir eru í boði að Bókasafni Hafnarfjarðar í nýju húsnæði þess á 2. hæð í Firði verslunarmiðstöð.

• Lyfta og stigi beint úr bílakjallara
• Rúllustigi og glerlyfta af 1. hæð Fjarðar
• Lyfta og stigi eru í báðum turnum Fjarðar
• Bókaströppurnar nýju, Strandgötumegin

 

Fjölnotasalur

Bjartur og rúmgóður fjölnotasalur, Friðrikssalur, er í nýja hluta bókasafnsins. Hentar fyrir fundi og viðburði á afgreiðslutíma bókasafnsins. Ef salurinn er ekki bókaður fyrir starfsemi bókasafnsins eða Hafnarfjarðarbæjar er mögulegt að fá salinn að láni fyrir klúbba, hópa og minni samkomur.

Aðstaða

• Borð og stólar í boði.
• Rúmgott eldhús.
• Iiyama 86″ skjár á hjólum m/lyftara

Fyrirspurnir um fjölnotasalinn má senda á [email protected].

Útleiga á fjölnotasal (á afgreiðslutíma bókasafnsins) fyrir kostaða viðburði á klst.: 10.000 kr.

Listaverkaveggur

Listaverkaveggi má finna í krókum og kimum bókasafnsins. Það er hentugt fyrir litlar listasýningar.

Listaverkaveggirnir eru opnir öllu listafólki sem hefur áhuga á að sýna þar. Venjan er að hver listamaður fái að hafa verkin sín uppi í 4 vikur án endurgjalds. Bókasafnið býður upp á að hafa verkin til sölu ef vilji er til þess, listamanni að kostnaðarlausu.

Fyrirspurnir um Listaverkaveggina má senda á [email protected].

Netkaffi

Netkaffið er staðsett við glerhjúpinn nálægt afgreiðslu bókasafnsins.

• Ókeypis aðgangur að Internetinu.
• Ekki er hægt að vista gögn í tölvunum eða nota minnislykla.
• Hægt er að skanna inn og senda skjöl í tölvupósti.
• Útprentun og ljósritun (A4) er í boði gegn gjaldi samkvæmt gjaldskrá.

 

Princh prent-, ljósritunar og skönnunarlausnin

Númer prentara Bókasafns Hafnarfjarðar: 113000

Útprent með Princh – leiðbeiningar

Hægt er að prenta úr eftirfarandi tækjum:

Almenningstölva:
1. Opnið skjalið og veljið Print
2. Veljið Princh sem prentara og smellið aftur á Print
3. Farið yfir prentstillingar í Princh glugganum sem birtist
4. Greiðið með einum af greiðslumöguleikunum

Fartölva:
1. Opnið vafra og farið inn á print.princh.com
2. Sláið inn prentaranúmerið (113000) og hlaðið upp skjölum
3. Farið yfir prentstillingar
4. Greiðið með einum af greiðslumöguleikunum

Snjallsími eða spjaldtölva:
1. Sækið Princh smáforritið fyrir iOS/Android eða prentið án þess að sækja smáforrit
2. Opnið skjalið og deilið því með Princh smáforritinu*
3. Veljið prentara með því að skanna QR-kóðann (eða slá inn númerið 113000) og farið yfir prentstillingar
4. Greiðið með einum af greiðslumöguleikunum

*Ef þið getið ekki eða viljið ekki sækja smáforritið, þá er einfalt að að skanna QR-kóðann á leiðbeiningaplakatinu hjá prentaranum með myndavélinni á tækinu ykkar og fylgja leiðbeiningunum á skjánum.

Gjald fyrir útprentun (A4) er samkvæmt gjaldskrá.

 

Ljósritun og skönnun með Princh – leiðbeiningar

Notið spjaldtölvuna til að ljósrita og skanna

Ljósritun með Princh:
1. Veljið Copy á spjaldtölvunni hjá prentaranum
2. Veljið hvort ljósrita skuli af glerinu eða mataranum
3. Setjið blaðið/blöðin á glerið eða í matarann og veljið Copy
4. Farið yfir stillingarnar (fjöldi eintaka, svarthvítt/litur)
5. Greiðið með einum af greiðslumöguleikunum

Gjald fyrir ljósritun (A4) er samkvæmt gjaldskrá.

Skanna með Princh og senda í tölvupósti:
Skönnun er ókeypis. Til að skanna skjal:

1. Veljið Scan to e-mail á spjaldtölvunni hjá prentaranum
2. Veljið hvort skanna skuli af glerinu eða mataranum
3. Setjið blaðið á glerið eða í matarann og veljið Scan now
4. Sláið inn netfangið og veljið ykkur a.m.k. 4 stafa skammtímalykilorð (bókstafir, tölustafir eða blanda)
5. Skoðið tölvupóstinn ykkar og opnið póstinn frá Princh
6. Smellið á hlekkinn í tölvupóstinum og sláið inn skammtímalykilorðið sem þið völduð ykkur
7. Sækið skjalið/skjölin og hlaðið þeim niður í tækið ykkar

Athugið: Þessi hlekkur mun aðeins virka í 24 klst, gætið þess að hlaða skjalinu niður í tækið ykkar innan þess tíma.

Verkstæði

Verkstæðið er staðsett í þeim hluta bókasafnsins sem er nær Thorsplani, nálægt innganginum úr Norðurturni Fjarðar.

Þar er ókeypis aðgangur að þrívíddarprenturum, vínilskera og hitapressu til að prenta á boli. Einnig eru þar saumavélar og overlock vél sem má nota þegar saumaandinn grípur eða aðeins þarf að lagfæra flíkur.

Athugið að bóka þarf tíma á vefsíðunni þegar nota á þrívíddarprentara eða vínilskera. Það ferli er í vinnslu.

Krílahornið

Á barnadeildinni er sérstakt Krílahorn með gjafaaðstöðu. Lokanleg hlið er inn á barnadeildina svo litlir lestrarhestar geti gengið frjálsir um. Þar eru þægilegir grjónapúðar, harðspjaldabækur og fleira sem henta krílum.

Vagna- og kerrustæði eru við fantahengið við minni bogainnganginn á barnadeildina.

Börn og fjölskyldur eru hvött til að koma á barnadeildina og vera saman við lestur, leik og spilamennsku.

Lesaðstaða

Víðsvegar um bókasafnið eru borð og stólar þar sem fólki er velkomið að koma sér fyrir með bækur eða tölvur.

• Í Önnustofu, salnum sem snýr að Thorsplani, eru þægilegir lesbásar.
• Í Önnustofu er einnig Kjölur og Kafli, tvö bókanleg fundarherbergi með borði og sætum fyrir fjóra (bóka aðgang að þeim á vefsíðu bókasafnsins – í vinnslu).
• Bakvið sjálfsafgreiðsluvélavegginn eru lítil næðisrými, Punktur og Komma.
• Setaðstaða með borðum er hringinn í kringum glerhjúpinn.
• Svo má finna hópavinnuborð og ýmis konar borð í krókum og kimum, sjón er sögu ríkari.

Setustofa

Í Setustofunni nálægt afgreiðslunni og glerhjúpnum er hægt að sitja og fletta dagblöðum, tímaritum eða bókum og eiga notalega stund. Langur sófi teygir sig eftir gólfinu og einnig eru hefðbundin borð og stólar á svæðinu. Kaffihorn á vegum Rif er í skoti hjá sófanum. Þar eru sjálfssalar og kaffivél á vegum Rif.

Bókanleg fundarherbergi

Kjölur og Kafli, tvö bókanleg fundarherbergi eru í Önnustofu, salnum nær Thorsplani. Þar er borð og aðstaða fyrir fjóra.

Fundarherbergin verða bókanleg á vefsíðu bókasafnsins, það ferli er enn í vinnslu. Þangað til má nýta þau ef þau eru laus.

Minni fundarherbergi

Punktur og Komma eru lítil næðisrými eða örfundaherbergi bakvið sjálfsafgreiðsluvélavegginn. Þar eru ekki borð en sæti fyrir tvo.

Ekki þarf að bóka þessi fundarherbergi/næðisrými.