Afgreiðsla Aðalafgreiðsla er til móts við rúllustigann í hjarta bókasafnsins 1. hæð. Þar er starfsfólk tilbúið að aðstoða við afgreiðslu, útlán, leitir og val á efni. Þar eru einnig þrjár sjálfsafgreiðsluvélar til þjónustu reiðubúnar. Öllum gögnum er skilað í sjálfsafgreiðsluvélunum. Fólki er svo í sjálfsvald sett hvort það kýs að sjálfsafgreiðsluvélar sjái um útlán eða starfsfólk bókasafnsins í afgreiðslunni. Upplýsingaþjónusta Upplýsingaþjónustan er staðsett í Önnustofu, í þeim hluta bókasafnsins sm er nær Thorsplani. Þar geta gestir fengið aðstoð við heimildaleit, leit í safnkosti, beiðnir um millisafnalán, kennslu á uppflettitölvur, ráðgjöf við val á lesefni og margt fleira. Gestir geta sjálfir flett upp gögnum á Leitir.is, séð staðsetningu gagna og útlánastöðu í tveimur spjaldtölvum sem eru annars vegar í ungmennadeildinni og hins vegar nálægt upplýsingaþjónustunni. Upplýsingaþjónusta er veitt: á staðnum í tölvupósti á [email protected] á Facebook-síðu safnsins Reynt er að svara öllum fyrirspurnum sem fyrst. Flóknari heimildaleitir geta þó tekið lengri tíma og má þá gera ráð fyrir afgreiðslu næsta dag. Fá gagn sem er ekki til Ef efni er ekki til á Bókasafni Hafnarfjarðar er hægt að fá það lánað og sent ókeypis frá bókasöfnunum í Kópavogi og Garðabæ. Bókasafnskírteini hjá Bókasafni Hafnarfjarðar gildir líka á önnur almenningsbókasöfn á höfuðborgarsvæðinu. Lesa meira um samstarfssöfnin. Hægt að fá millisafnalán frá bókasöfnum á landsbyggðinni gegn gjaldi. Hægt að gera innkaupatillögu og mun starfsfólk Bókasafns Hafnarfjarðar reyna að verða við óskum eins og hægt er.
