Bókasafn Tónlistardeild
Tónlistardeild Bókasafns Hafnarfjarðar er nefnd Friðriksdeild og er stærsta tónlistardeild í almenningsbókasafni á landinu. Hún er staðsett á 1. hæð bókasafnsins. Allir velkomnir að grúska, hlusta og fá lánað. Hægt er að fræðast um sögu deildarinnar með því að smella á hnappinn hér fyrir neðan.
Hljóm- og geislaplötur er lánaðar í 14 daga í senn án endurgjalds. Einnig eru lánaðar út nótur, tímarit og bækur um tónlist, DVD-diskar og plötuspilarar.
Mikið úrval af gamalli og nýrri tónlist
Tónlistardeildin leitast við að hafa ávallt á boðstólnum gott úrval af nýútkomnu tónlistarefni af ýmsu tagi.
- Klassísk tónlist
- Heimstónlist
- Jazz
- Blús
- Popp
- Rokk
Ekki bara geisladiskar og hljómplötur
Á tónlistardeildinni eru einnig:
- Plötuspilarar
- Tónlistartímarit
- Nótur
- Bækur um tónlist
- Bækur um tónlistarmenn
- Uppflettirit
- DVD
Viltu grípa í gítar eða trommur?
Á tónlistardeildinni eru ýmis hljóðfæri í boði til afnota á safninu sem áhugasamir gestir geta komið og fengið að spila á sér að kostnaðarlausu.
Í boði eru rafmagnstrommusett, rafmagnsgítar og rafmagnsbassi, en til þess að fá aðgang að þeim þarf bara að hafa meðferðis gilt bókasafnskort.
Einnig eru á staðnum, píanó og kassagítar sem allir geta sest við og látið ljós sitt skína.
Tenglar
- Ísmús – íslenskur músík- og menningararfur: Gagnagrunnur sem geymir og birtir á vefnum gögn er varða íslenska menningu fyrr og nú.
- Músík.is: Upplýsingaveita um íslenska músík.
