Bókasafn 
Uppskeruhátíð sumarlesturs! Nú eru allir búnir að lesa sig hressa og eru sko aldeilis tilbúnir í skólann! Við bjóðum til veislu – og það verður margt um dýrðir; leikrit, föndur, verðlaun, spilaskiptimarkaður, glaðningar og gleði.
Dagskráin hefst kl 12:00 þegar að við höldum sögustund og drögum í síðasta lestrarhesti sumarsins, og allir krakkar sem skila lestrardagbók fá verðlaun! Við höldum danssmiðju, fáum blóðið í gang og skemmtum okkur áður en við fáum okkur sæti og sjáum leikritið um Rúsínu frá Sírópíu, sem er heimtufrekasta prinsessa í heimi, en það er Leikhópurinn Kvistur sem færir okkur söguna.
Eftir það kemur sjálfur Stjörnu Sævar, sem mun lesa út bókunum sínum og segja okkur af spennandi hlutum um heiminn og geiminn áður en við drögum út lestrarhest ársins!
12:00 – Sögustund, dans og föndur + skil á lestrardagbókum
13:00 – Leikritið um Rúsínu frá Sírópíu, frekustu prinsessu í heimi
14:00 – Stjörnu Sævar les og dregur úr Lestrarhestadagbókum