Bókasafn 
Uppskeruhátíð sumarlesturs verður haldin með pompi og prakt fyrsta laugardag í september. Við komum auðvitað til með að draga sigurvegara sumarsins úr innsendum lestrardagbókum, og svo verður mikið um dýrðir og margir góðir gestir.
Hamingjan hefst kl 11:00 þegar að Axel Diego mætir og heldur opið námskeið í jöggli fyrir alla krakka. Námskeiðið er sett upp þannig að allir geta tekið þátt, óháð hreyfigetu, og þar með uppfyllt framtíðarsirkusdrauma sína.
Söngsveitin Tónafljóð mætir svo með látum klukkan 12:00 og halda uppi stemningu með skemmtilegri tónlist, Disneylögum og hressilegheitum á meðan að vinir okkar í Kómedíuleikhúsinu setja upp fyrir sýningu dagsins.
Klukkan 13:00 hefst svo leiksýningin Iðunn og Eplin, brúðusýning í boði Kómedíuleikhússins, þar sem Elfar Logi Hannesson leiðir okkur í gegnum æsispennandi þeysireið Ása við að bjarga ásynjunni Iðunni úr jötnahöndum. Sýningin er 40 mínútur að lengd og verður í aðalsal á fyrstu hæð.
Klukkan 14:00 mun svo rithöfundurinn Sara Yvonne lesa úr bókinni sinni Pétur Getur, og auðvitað aðstoða við að draga Lestrarhesta ársins með aðstoð frá fræknum kempum keisaradæmisins, en Stjörnustríðskempurnar úr 501. herdeildinni verða á svæðinu til að sjá til að allt fari friðsamlega fram og skemmtunin verði í hámarki. Af gefnu tilefni verða geislasverð bönnuð á meðan á viðburði stendur.
Auðvitað verða kleinur og kaffi á staðnum, svali fyrir krílin og sælgæti fyrir alla litla nammigrísi.
Lestravetur! Hér komum við!
_____________________________
Dagskrá:
11:00 – Hús opnar. Alex Diego hefur jögglnámskeið fyrir alla aldurshópa.
12:00 – Tónafljóð stíga á stokk
13:00 – Kómedíuleikhúsið sýnir ‘Iðunni og Eplin’
14:00 – Sara Yvonne les úr nýrri bók sinni, Pétur Getur, og dregur út lestrarhesta sumarsins með dyggri aðstoð 501. herdeildarinnar.
12:00 – Tónafljóð stíga á stokk
13:00 – Kómedíuleikhúsið sýnir ‘Iðunni og Eplin’
14:00 – Sara Yvonne les úr nýrri bók sinni, Pétur Getur, og dregur út lestrarhesta sumarsins með dyggri aðstoð 501. herdeildarinnar.