Bókasafn 
Uppskeruhátíð sumarlesturs verður haldin með pompi og prakt fyrsta laugardag í september. Við komum auðvitað til með að draga sigurvegara sumarsins úr innsendum lestrardagbókum, og svo verður mikið um dýrðir og margir góðir gestir.
Hamingjan hefst kl 13:00 þegar að Ævar Þór Benediktsson kemur og les úr nýjustu sögunni sinni, SKÓLASLIT, og kemur öllum í heljargír fyrir veturinn.
Í beinu framhaldi kl 13:30 hefst leikritið EF ÉG VÆRI TÝGRISDÝR, hugljúf sýning úr smiðju Leikhópsins Flækju fyrir yngstu áhorfendurna. Sýningin fjallar um hina 8 ára Láru sem notar ímyndunaraflið til að ferðast um heiminn á kvöldin þegar hún á að vera farin að sofa. Í sýningunni tekur hún áhorfendur með sér í eitt slíkt ferðalag, þau fara í frumskóginn, upp á topp Everestfjalls og fljúga jafnvel um í gamalli flugvél, hitta allskyns dýr og lenda í hinum og þessum ævintýrunum! Sýningartími er 26 mínútur og leikarar eru Sigríður Ásta Olgeirsdóttir og Júlíana Kristín Jónsdóttir.
Með okkur verður líka annað tígrisdýr, hann Pietrek, sem er sérstakur gestur frá Póllandi, og verður sögustund bæði á pólsku og á íslensku kl 14:30.
Einnig á svæðinu verður hópur tæknifólks sem ætlar að kenna okkur sitt lítið í þrívíddarprenti, búa til skemmtilega hluti og föndra með okkur, og auðvitað verða kleinur og kaffi á staðnum, svali fyrir krílin – og verðlaun fyrir alla lestrarhesta sem hafa verið svona afskaplega duglegir í sumar!
Lestrarvetur! Hér komum við!