Örfyrirlestrasería Bókasafns Hafnarfjarðar á sér stað annan þriðjudag í mánuði klukkan 17:00. Málefni líðandi stundar eru rædd, fræðsla um allt og ekkert í höndum valinkunnra fyrirlesara og, auðvitað, kaffi í boði.
Fyrstur að púltinu þetta haustið er enginn annar en stjórnmálafræðingurinn og gaflarinn Ólafur Þ. Harðarson, sem er landsmönnum vel kunnur úr sjón- og útvarpi. Það styttist í kosningar – hvað svo? Hvernig virkar þetta, og hvernig er talið? Skiptir mitt atkvæði í alvöru máli? Og hvað í ósköpunum er ‘Kraginn’?!
Komdu á Bókasafn Hafnarfjarðar og spurðu sérfræðinginn, – þriðjudaginn 14. september klukkan 17:00