Það verður skemmtileg stemmning þann 21.mars á Bókasafni Hafnarfjarðar. Þar mætist tónlistarfólk úr mismunandi áttum í hljóðheimi frumdjassins og leikur fyrir ördansiballi fyrir gesti og gangandi!

Áratugurinn 1920-1929 var glysfullur tími þar sem fólk sletti vel úr klaufunum eftir erfiðan tíma fyrri heimsstyrjaldarinnar. Nú er 2022 og tími til að gleðjast á ný! Komið á bókasafnið og baðið ykkur í dansandi tventís gleði! Hljómsveitin telur í kl 16:30 og mun leika í 40 mínútur.
Það er ekki stórt dansgólfið, en við plönum að nýta það vel og skorum á alla að koma og dansa!

Flytjendur eru:
Elín Bryndís, söngur
Katrín Guðnadóttir, söngur
Magnús Pálsson, klarinett
Konstantín Shcherbak, banjólín
Dagur Bjarki Sigurðsson, píanó
Ari Páll Kristinsson, kontrabassi