Bókasafn 
Lestrarfélagið Framför er elsta lestrarfélag landsins og hittist það mánaðarlega á Bókasafni Hafnarfjarðar, leitt af bókmenntafræðingnum Hjalta Snæ Ægissyni.
Þema vetursins er íslenska nýraunsæið, og við hefjum leika með bók Vésteins Lúðvíkssonar, Gunnar og Kjartan, sem er rituð á árunum 1971-1972, en í henni er veitt innsýn í menntakerfi og menningu í hinu stéttskipta samfélagi í Reykjavík á sjöunda áratugnum.
Vésteinn Lúðvíksson sló nýjan tón í íslenskum bókmenntum með sagnagerð sinni um og eftir 1970.
Leslisti Framfarar, veturinn 2023-2024:
11. október: Vésteinn Lúðvíksson: Gunnar og Kjartan (1971-1972)
15. nóvember: Málfríður Einarsdóttir: Samastaður í tilverunni (1977)
13. desember: Guðlaugur Arason: Eldhúsmellur (1977)
10. janúar: Magnea J. Matthíasdóttir: Hægara pælt en kýlt (1978)
14. febrúar: Guðmundur Steinsson: Stundarfriður (1979)
13. mars: Ása Sólveig: Treg í taumi (1979)
10. apríl: Auður Haralds: Læknamafían (1980)
8. maí: Ólafur Haukur Símonarson: Vík milli vina (1983)