Bókasafn 
Í Múmínálfabókum Tove Janssen eru birtingarmyndir kynja og kynjahlutverka talsvert áberandi. Sumar persónur hennar fá ekki kyni úthlutað í frásögninni og aðrar rannsaka sín kynhlutverk og skoða jafnvægi þeirra og áhrif. Þá má merkja ýmis konar kynusla í íslenskri þýðingu bókanna, þar sem kynsegin persónur fá kyn og aðrar persónur eru rangkynjaðar.
Í fyrirlestrinum mun Hildur Ýr Ísberg fjalla um kynhlutverk í frásögnum Tove Jansson um múmínálfana og skoða hvaða virkni þessi hlutverk hafa í frásögnunum og hvernig við getum notað múmínálfana og jafnvel múmínbollana til að skilja lífið.
Erindið er opið öllum og aðgangur er að sjálfsögðu ókeypis.