Bókasafn 
Jólin eru að koma og líka allar jólabækurnar! Kynstrin öll snúa aftur í opinni dagskrá í ár, – við bjóðum alla velkomna, tónlist, veigar og auðvitað bækur. Svo margar, yndislegar bækur inn í jólin.
Sem áður mun Arndís Þórarinsdóttir leiða pallborð einvalaliðs rithöfunda, en gestir okkar í ár eru Bragi Ólafsson með ‘Gegn gengi leiksins’, Eva Björg Ægisdóttir með ‘Strákar sem meiða’ og Guðrún Eva Mínervudóttir með verkið ‘Útsýni’. Öll þrjú eru þau lesendum vel kunn, enda hvert um sig vel þekkt innan sinnar stefnu.
Húsið opnar kl 19:30 með tónlist og léttum veitingum og verður hleypt inn á meðan að húsrúm leyfir. Sjálf dagskráin hefst kl 20:00 og stendur í rúma klukkustund – en eftir það er þægilegt kvöldspjall og jólakósí hjá okkur.