Bókasafn 
Marín Guðrún Hrafnsdóttir, bókmenntafræðingur og langömmubarn Guðrúnar, heldur fyrirlestur um skáldkonuna Guðrúnu frá Lundi.
Rithöfundarferill Guðrúnar frá Lundi er sannkallað ævintýri í íslenskri bókmenntasögu. Óþekkt kona norðan úr Skagafirði verður metsöluhöfundur nánast á einni nóttu og bækurnar tróna á toppi vinsældarlista í rúma tvo áratugi. Guðrún var 59 ára þegar fyrsta skáldsagan kemur út, og eftir það skrifar hún 11 skáldverk gefin út í 27 bókum, þrátt fyrir fjölda hindrana, – en alþýðukonan þráði að skrifa.
Guðrún var dáð af stórum hluta þjóðarinnar en raddsterkir áhrifamenn flokkuðu verk hennar með erlendum afþreyingarbókmenntum og reyfararusli. Saga Guðrúnar birtir því bæði ævintýralegar og endurteknar vinsældir en einnig þann þunga undirtón háðs sem einkenndi um tíma alla umræðu um verk hennar.
Og auðvitað verður kaffi í boði…