Bókasafn 
Ingi Markússon er höfundur janúarmánaðar með skáldsöguna Skuggabrúin – en þessi frumraun hefur hlotið einróma lof gagnrýnenda, og hlaut einnig Nýræktarstyrk Miðstöðvar íslenskra bókmennta. Hún er spennuþrungin og heillandi furðusaga ætluð jafnt ungmennum sem fullorðnum, saga um ofdramb og svik, vetrarkulda og hlýju, ljós og myrkur.
Skuggabrúin gerist í fjarlægri framtíð, á ísilagðri jörð. Þar hafa allar stjörnurnar slokknað nema ein; án hennar væri vetrarmyrkrið algert. Þegar síðasta stjarnan hverfur verða Dimmbrá og Hnikar viðskila og hrekjast á flótta um heimskautið. Ekki er allt sem sýnist og alls staðar grúfir myrkrið yfir, hyldjúpt og kalt. Hvað varð um stjörnuna, hvernig tengist hún skuggabrúnni – verður hægt að afstýra almyrkva?