Stjarna Rós er 23 ára gamall listmálari sem opnar nú sína fyrstu sýningu í Glergalleríi Bókasafns Hafnarfjarðar.
Hún leitast við að ná fram ró í verkum sínum, bæði sem viðfangsefni og í sjálfri sér sem málara, og að ná hugmyndum niður á blað og framkvæma í flæði frekar en stífri hugsun.
Sýningin snýr að hringrás lífs og dauða og er safn olíu-, akrýl- og kolaverka gerðra á tímabilinu 2020 til 2021.
Sýningin opnar kl 17:00 og eru allir velkomnir. Verkin verða til sýnis til og með 3. október.