Framfaratímar! Elsta lestrarfélag landsins vaknar að hausti sem áður, og Hjalti Snær er enn og aftur mættur með athyglisverða titla og áhugaverða höfunda. Bæklingar um efni vetrarins liggja frammi á bókasafninu.
Framfarabók mánaðarins er Býfluga, sem er fyrsta skáldsaga breska höfundarins Chris Cleave.
Ung hjón fara í sólarferð til Nígeríu en vita ekki að þar geisar skelfileg styrjöld. Á ströndinni hitta þau unga konu, Býflugu, og verða vitni að hryllilegum atburði sem hefur afdrifaríkar afleiðingar fyrir þau öll þrjú. Tveimur árum síðar bankar þessi unga kona upp hjá Söru í Bretlandi, – einmitt daginn sem bera á Andrew til grafar.