Bókasafn 
Hefur þú heyrt um skynjunarleik? Jorika og Sigurður frá Plánetu.is koma og fræða foreldra um skynjunarleiki fyrir smábörn.
Þegar börn fæðast, byrja þau strax að skoða heiminn. Til þess nota þau sjón, heyrn, snertingu, lyktar- og bragðskyn, en einnig spilar hreyfing og jafnvægi stóran part. Þetta er eðlilega leiðin til að læra og skilja heiminn í kringum sig.
Sensory play eða skynjunarleikur er þróaður með það að markmiði að örva skynfærin og stuðla þannig að heilbrigðum þroska barnsins. Hann er ekki bara skemmtilegur, heldur einnig góður fyrir andlegan og líkamlegan þroska.
Skynjunarleikur hjálpar til við að byggja upp orðaforða og er góður fyrir hreyfigetu, en skynjunarleikur getur tekið á sig ýmsar myndir, t.d. margskonar tilraunir, æfa talningu eða notast við skynjunar verkfæri til að knýja fram slökun hjá barninu.