Einar Kárason er flestum lestrarliprum kunnur, og nú í nóvembermánuði mun hann koma og lesa úr nýjasta verki sínu, Þungum skýjum. Þung ský er kynngimögnuð saga um hrikalegt slys við ysta haf og örlagaríkan björgunarleiðangur. Einkennilegur drengur á afskekktum bæ er gagntekinn af öllu sem flýgur; fyrst fuglum loftsins, síðan stálfuglunum stóru sem sjást æ oftar yfir heimaslóðum hans. Á þungbúnum vordegi sér hann hvar stór farþegaflugvél birtist út úr skýjaþykkni og fólkið í gluggunum veifar. Síðar sama dag fréttist að vélin sé týnd. Bókin hefur átt greiða leið inn á metsölulista, enda um öndvegisverk að ræða. Hér fetar Einar svipaða braut og í bókinni Stormfuglum sem er líka lauslega byggð á sönnum atburði. Við hlökkum til að sjá ykkur!
