Aðdragandinn – jólabókadagskrá Bókasafns Hafnarfjarðar hefst! Við fögnum nýrri bók hvern þriðjudag í nóvember og endum svo með pompi og pragt á Kynstrunum öllum þann 2. desember Fyrsti höfundur í jólaundirbúningi er Nanna Rögnvaldardóttir með bókina Valskan, sem er fyrsta skáldsaga Nönnu Rögnvaldardóttur sem áður hefur skrifað fjölda bóka um matargerð og matarsögu. Frásögnina byggir hún á lífi formóður sinnar, Valgerðar Skaftadóttur, sem fædd var árið 1762. Heimildum og skáldskap er fléttað saman svo úr verður grípandi saga um harða lífsbaráttu en líka óvæntar lausnir, þrautseigju og ástir. Bókin segir frá prestsdótturinni Völku, sem á sér ýmsa drauma. Helst af öllu langar hana að sigla til Kaupmannahafnar á vit ævintýranna, spássera um steinlögð stræti, sjá hallir og gullturna og hefðarfólk með hárkollur aka um í glæsivögnum. Að öðrum kosti vill hún verða auðug húsfrú á höfuðbóli og hafa margar vinnukonur. En náttúran grípur harkalega í taumana, bæði sú sem sýnir mátt sinn með veðurofsa, eldgosum og harðindum en líka sú sem býr innra með Völku, kveikir ástríðu og losta og tekur stundum á sig mynd slóttugrar skepnu; völskunnar. Sumir draumar Völku eiga eftir að rætast, aðrir verða að engu en þegar upp er staðið leynist gæfan þó kannski þar sem hana grunaði síst. Aðdragandinn – Jólabókadagskrá Bókasafns Hafnarfjarðar: 7. nóvember – Nanna Rognvaldardóttir : Valskan 14. nóvember – Eiríkur Örn Norðdahl : Náttúrulögmálin 21. nóvember – Ljóðakvöld : Anton Helgi Jónsson, Draumey Aradóttir og Eyrún Ósk Jónsdóttir 28. nóvember – Ingi Markússon : Svikabirta Kynstrin Öll: 2. desember Ragnheiður Gestsdóttir – Steinninn Vilborg Davíðsdóttir – Land Næturinnar Tómas R. Einarsson – Gangandi bassi Vigdís Grímsdóttir
