Bókasafnið stendur fyrir klúbba- og hópastarfi fyrir börn, ungmenni og fullorðna. Öllum er frjálst að sækja um leyfi til að nýta húsnæði bókasafnsins til hvers kyns klúbbastarfs fyrir utan trúar- og stjórnmálasamkomur. Bókaklúbburinn Síðan Þann 10. mars 2026 hefst samstarfsverkefni Bókasafns Hafnarfjarðar og Ungmennahússins Hreiðursins: Bókaklúbburinn Síðan. Síðan hefur þá sérstöðu frá öðrum bókaklúbbum að í stað þess að allir lesi fyrirfram ákveðna bók og ræði hana er tveimur þemaspurningum varpað fram viku fyrir hitting og eiga þátttakendur síðan að koma með eða segja frá bók sem þeir tengja við aðra hvora eða báðar þemaspurningarnar. Þessi bókaklúbbur er ætlaður ungmennum á aldrinum 16-25 ára og verður annan hvern þriðjudag kl. 17:30, stundum í Hreiðrinu og stundum á bókasafninu. Vonast er til að móta dagskrána og þemun út frá notendum og bjóða af og til upp á ýmiss konar vinnusmiðjur og höfundaheimsóknir. Snarl í boði, alltaf ókeypis! Fyrstu þemaspurningarnar eru: • Hvaða bók fékk þig til að hlægja upphátt? • Í hvaða bók var persóna sem pirraði þig? Sjáumst í Hreiðrinu þann 10.mars klukkan 17:30! Ungmennahúsið Hreiðrið er staðsett í Nýsköpunarsetrinu við Lækinn, Skólabraut 3. Næstu dagsetningar: 10. mars 2026 kl. 17:30 – Hreiðrið, Nýsköpunarsetrinu við Lækinn (Skólabraut 3) 24. mars 2026 kl. 17:30 – Hreiðrið, Nýsköpunarsetrinu við Lækinn (Skólabraut 3) 7. apríl 2026 kl. 17:30 – Hreiðrið, Nýsköpunarsetrinu við Lækinn (Skólabraut 3) 21. apríl 2026 kl. 17:30 – Hreiðrið, Nýsköpunarsetrinu við Lækinn (Skólabraut 3) 5. maí 2026 kl. 17:30 – Bókasafn Hafnarfjarðar (Strandgötu 1) 19. maí 2026 kl. 17:30 – Bókasafn Hafnarfjarðar (Strandgötu 1) SUMARFRÍ 8. september 2026 kl. 17:30 – Hreiðrið, Nýsköpunarsetrinu við Lækinn (Skólabraut 3) 22. september 2026 kl. 17:30 – Bókasafn Hafnarfjarðar (Strandgötu 13-15, nýja bókasafnið í Firði) 6. október 2026 kl. 17:30 – Bókasafn Hafnarfjarðar (Strandgötu 13-15, nýja bókasafnið í Firði) 20. október 2026 kl. 17:30 – Bókasafn Hafnarfjarðar (Strandgötu 13-15, nýja bókasafnið í Firði) 3. nóvember 2026 kl. 17:30 – Bókasafn Hafnarfjarðar (Strandgötu 13-15, nýja bókasafnið í Firði) 17. nóvember 2026 kl. 17:30 – Hreiðrið, Nýsköpunarsetrinu við Lækinn (Skólabraut 3) 1. desember 2026 kl. 17:30 – Bókasafn Hafnarfjarðar (Strandgötu 13-15, nýja bókasafnið í Firði) Skynjunarstund Plánetu Við bjóðum litlum krílum að koma og leika! Siggi og Joreka frá Plánetu–skynjunarleik standa fyrir þroskandi og örvandi hittingi fyrir minnstu krílin. Þar geta þau leikið og kannað heiminn á litríkan og skemmtilegan máta með öðrum börnum. Plánetustundir eru tvisvar í mánuði, fyrsta mánudag og þriðja fimmtudag hvers mánaðar, til skiptis að morgni og eftirmiðdegi. Kaffi í boði fyrir foreldra og allir velkomnir! Lestrarfélagið Framför Lestrarfélagið Framför er í smá dvala. Pókemon klúbbur Pokémon klúbburinn er í dvala.
